+7 (777) 001 44 99
ПОДЕЛИТЬСЯ
Оңдасын Оразалин Ақтөбе облысының әкімі қызметінен босатылды, - деп хабарлайды Tengrinews.kz тілшісі Ақорда сайтына сілтеме жасап.
Оңдасын Оразалин Ақтөбе облысының әкімі қызметінен босатылды, - деп хабарлайды Tengrinews.kz тілшісі Ақорда сайтына сілтеме жасап.
"Мемлекет басшысының Жарлығымен Оңдасын Сейілұлы Оразалин Ақтөбе облысының әкімі лауазымынан босатылды", - делінген хабарламада.
Еске салайық, Оңдасын Оразалин 2019 жылы ақпанда Қазақстан Республикасы Президентінің Жарлығы бойынша Ақтөбе облысының әкімі болып тағайындалған болатын.
Оңдасын Оразалин 1963 жылы 6 қарашада Қазақ КСР-нің Ақтөбе қаласында дүниеге келген. 1985 жылы Ақтөбе педагогикалық институтын ағылшын тілі мұғалімі мамандығы бойынша бітірген. 1991 жылы әл-Фараби атындағы Қазақ мемлекеттік университетін "құқықтану" мамандығы бойынша бітірген.
Ол Ақтөбе облысы Мұғалжар ауданының әкімі (2000-2003), Ақтөбе облыстық сыртқы экономикалық байланыстар және инвестициялар бөлімінің бастығы (2003-2004), Ақтөбе облысының ішкі саясат департаментінің директоры (2004-2005), Ақтөбе облысы әкімінің орынбасары (2005-2006) болған.
2017 - 2019 жылдары Қазақстан Республикасы Президенті Әкімшілігі басшысының орынбасары болып тағайындалған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
