1. Басты
  2. Біл
  3. Жаңалықтар
  4. Ел жаңалықтары

Өрт кезінде сексенге таяған кейуана қаза тапты

Бейтарап сурет.   ©ҚР ТЖМ баспасөз қызметі Бейтарап сурет. ©ҚР ТЖМ баспасөз қызметі
Атбасар қаласында бірқабатты көппәтерлі үй өртеніп, бір қария қайтыс болды деп хабарлайды Tengrinews.kz ҚР Төтенше жағдайлар министрлігіне сілтеме жасап.
Мамандардың мәліметінше, бес пәтерлі тұрғын үйде өрт 4 ақпан күні сағат 22.15-те шыққан. Жалын 4 шаршы метрді шарпыды. Оқиға орнынан 1936 жылы туған Сауытбекова деген әйелдің мәйіті табылды. "Өрт 22.59-да ауыздықталып, 23.40-та толық залалсыздандырылды. Үйден 12 адам қауіпсіз жерге көшірілді, олардың арасында екі бала болды", - делінген министрліктің хабарламасында. Өртті сөндіруге Ақмола облыстық төтенше жағдайлар департаментінің жеке құрамының 10 қызметкері мен 2 техникасы жұмылдырылған. Еске сала кетейік, 17 қаңтар күні Астанада бесқабатты көппәтерлі үй өртеніп, екі бала қаза тапқан еді. Балалар 2008 және 2011 жылы туған.