Павлодар облысында Екібастұз бен МАЭС-1 станциясын жалғайтын автожолдың көпірінде екі жеңіл көлік соқтығысқан. Салдарынан жүргізуші мен жолаушы қаза болды, - деп хабарлайды Tengrinews.kz тілшісі.
Облыстық полиция департаментінің мәліметінше, қайғылы оқиға бүгін МАЭС-1 станциясына апаратын автожолдың бойында болған.
"Көпір үстінде Митсубиси маркалы автокөлік "Вольво" автобусын басып озып, қарсы жолақта "Ауди" жеңіл көлігімен соқтығысқан. Жол-көлік апатының салдарынан "Ауди"көлігінің жүргізушісі мен жолаушысы қаза тапты. Тағы бір жолаушы ауруханаға жеткізілді. Оқиға бойынша тексеру іс-шаралары жүргізіліп жатыр", - дедінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
