Павлодарда өзіне қол салған полицейдің басшысы қызметінен шеттетілді

24 Қыркүйек, 16:58
0
Павлодарда өзіне қол салған полицейдің басшысы қызметінен шеттетілді -

Павлодар облыстық полиция департаменті басшысының орынбасары қоластында істейтін Руслан Оспановтың өлімінен кейін жұмыстан босатылды, - деп хабарлайды Tengrinews.kz тілшісі. 

"Ішкі қауіпсіздік басқармасы сотқа дейінгі тергеу шаралары мен қызметтік тексеру жұмыстарын жүргізді. Алайда туыстары әлеуметтік желіде полиция департаменті басшыларының бірі осы қылмысқа қатысы бар болуы мүмкін деген болжам айтқан. Осыған орай, ПД бастамасымен прокуратурамен келісе отырып барлық материал Сыбайлас жемқорлыққа қарсы күрес агенттігінің департаментіне тергеудің объектив жүргізілуі үшін жіберілді", - деді облыстық ПД Өзіндік қауіпсіздік басқармасының басшысы Асқар Серғазин. 

Оның айтуынша, басшының орынбасарын жұмыстан шеттету туралы шешімді ІІМ шығарған. 

"Кеше жиналыста ІІМ министрі Павлодар облыстық ПД басшының орынбасары қызметтік тексеру жүргізілетін уақытқа қызметінен шеттетілетінін айтты", - дейді Серғазин. 

Қайтыс болған ер адамның туыстарының айтуынша, Руслан Оспановтың жары мен әкесінен сұрау алу үшін Антикоррупциялық қызметке шақырылған. 

Айта кетейік, Павлодар облыстық ПД басшысы Амантай Әубәкіров полицей Руслан Оспановтың өліміне қатысты істі бақылауға алған. 


Руслан Оспанов

34 жастағы полиция майоры Руслан Оспановты Павлодар қаласындағы үйлердің бірінің гаражынан дарға асылып тұрған жерінен тапқан. Қайтыс болған жігіттің ағасының айтуынша, ол өлер алдында досына хабарласып, осындай жағдайға душар еткен адамның есімін айтып кеткен. Оспанов Павлодар аудандық полиция бөлімі басшысының орынбасары болған. Туыстарының айтуынша, ер адамды осындай халге біреу жеткізуі мүмкін. Соңғы уақытта, ол Павлодар облыстық ПД тергеу бойынша басшылығына шағымданып жүрген. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай