27 желтоқсан 2018 16:12

Полиция Қайрат Жамалиевке қатысты тергеуді тоқтатты

ПОДЕЛИТЬСЯ

Полиция бизнесмен Қайрат Жамалиевке қатысты тергеу жұмыстарын тоқтатты, - деп хабарлайды Tengrinews.kz тілшісі Астананың полиция департаментіне сілтеме жасап.


Полиция бизнесмен Қайрат Жамалиевке қатысты тергеу жұмыстарын тоқтатты, - деп хабарлайды Tengrinews.kz тілшісі Астананың полиция департаментіне сілтеме жасап.

"Биыл 17 желтоқсанда тараптардың татуласуына байланысты Жамалиевке қатысты қылмыстық іс тоқтатылды", - деп хабарлады полициядағылар.

Еске салайық, мұның алдында Қайрат Жамалиевтің бұзақылық жасады деген күдікке ілінгені жайлы хабарланған еді. "Полицейлер Қылмыстық кодекстің 293-бабы бойынша ("Бұзақылық") сотқа дейінгі тергеу жүргізіп жатыр. Қажетті сараптамалар тағайындалды. Тергеу изоляторына (күдікті - автор) қамалған жоқ", - делінген еді полиция департаментіндегілердің редакция жолдаған сауалхатқа берген жауабында.

Биыл шілдеде Қайрат Жамалиев бостандыққа шыққан болатын. 23 мамырда Ақмола облысы Көкшетау қалалық соты Қайрат Жамалиевтің өтiнiшiн қараған еді. Кейінірек сотталушының өтiнiшi барлық тараптан қолдау тауып, мерзім өтеудің орнына 862 мың 193 теңге мөлшерінде айыппұл төлеуге өзгертілген болатын. 

Қайрат Жамалиев 2015 жылдың тамызында 13 жылға бас бостандығынан айырылған еді. Сот оның барлық мүлкін тәркілеу туралы шешім шығарған болатын. Оның ішінде ЖШС-дағы үлесі, банктегі есепшоттары және бірнеше көлік бар. Кейін Қайрат Жамалиевтің өтінішімен кассациялық инстация жәбірленуші Әліби Жұмағұловтың пікірін есепке ала отырып, сотталушының әрекетін басқа бапқа ауыстырған. Осылайша Жамалиевтің жаза мерзімі 13 жылдан 7 жылға азайтылған еді.

"Әліби ісі" әлеуметтік желілерде тараған ақпараттар мен видеолардан кейін бүкіл елге белгілі болған еді. 2015 жылдың сәуірінде Әліби Жұмағұловтың әкесі соққыға жығылған баласының суреттерін жариялаған болатын. Жігіттің әкесі Нұрлан Жұмағұлов әлеуметтік желіге баласының суретін салып, оны қаладағы белгілі кәсіпкер Қайрат Жамалиев ұрды деп хабарлаған еді.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети