Президент сайлауда дауыс берді 19 наурыз 2023, 08:24
Президент Қасым-Жомарт Тоқаев Мәжіліс және мәслихат сайлауында дауыс берді, - деп хабарлайды Tengrinews.kz тілшісі.
Ақорда мәліметінше, Мемлекет басшысы Қасым-Жомарт Тоқаев Әл-Фараби атындағы Оқушылар сарайында орналасқан сайлау учаскесіне барып, Қазақстан Республикасы Мәжілісі мен жергілікті мәслихаттар сайлауында дауыс берді.
Фото: Ақорда
Еске салайық, Қазақстанда Мәжіліс және мәслихат сайлауы басталды. Сайлауға 7 саяси партия қатысып жатыр. Бұл ретте Қазақстанда бір мандатты округтер бойынша 609 кандидат ұсынылды, оның 525-і өзін-өзі ұсынушылар. Парламент Мәжілісі депутаттарын сайлауда 12 миллион 32 мың 550 адам дауыс бере алады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!