Президент Қасым-Жомарт Тоқаев ҚР Мемлекеттік хатшысының өкілеттіктеріне өзгерістер енгізді, - деп хабарлайды Tengrinews.kz тілшісі.
Мемлекет басшысының 25 қаңтардағы №787 Жарлығына сәйкес, Мемлекеттік хатшы мынадай өкілеттіктерді де жүзеге асырады:
- ішкі саясат саласында Президентке стратегиялық ұсыныстар әзірлейді;
- саяси қуғын-сүргін құрбандарын толық ақтау жөніндегі мемлекеттік комиссияның, Ұлттық қоғамдық сенім кеңесінің және Жастар саясаты жөніндегі кеңестің қызметін үйлестіреді;
- Президент жанындағы Қазақстан стратегиялық зерттеулер институтының қызметін қадағалайды;
- "Тәуелсіздік ұрпақтары" грантын тағайындау жөніндегі жұмысты үйлестіреді;
Сонымен қатар, Мемлекеттік хатшы:
- ішкі саясат саласында Президентке стратегиялық ұсыныстар әзірлейді;
- Мемлекет басшысының тапсырмасы бойынша Парламентпен, саяси партиялармен, қоғамдық бірлестіктермен қарым-қатынаста және халықаралық қатынастарда оның атынан өкілдік етеді;
- Мемлекет басшысы жанындағы консультативтік-кеңесші органдардың, әлеуметтік-гуманитарлық сала мәселелері жөніндегі қызметін үйлестіреді.
- қоғамдық даму саласындағы мемлекеттік талдау құрылымдарының жұмысын үйлестіреді;
- Президенттің тапсырмаларына сәйкес өзге де өкілеттіктерді жүзеге асырады.
Қасым-Жомарт Тоқаевтың Жарлығы қол қойылған күнінен бастап қолданысқа енгізіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
