+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Жұлдыздар отбасы" және "Аңыз адам" журналдарының бас редакторы қазақ тілі емтиханын сәтті тапсырды, - деп хабарлайды Tengrinews.kz тілшісі Орталық сайлау комиссиясынан.
"Жұлдыздар отбасы" және "Аңыз адам" журналдарының бас редакторы қазақ тілі емтиханын сәтті тапсырды, - деп хабарлайды Tengrinews.kz тілшісі Орталық сайлау комиссиясынан.
Лингвистика комиссиясының басшысы Мырзатай Жолдасбеков оның жазба жұмысында бірде-бір қате болмағанын, тапсырманы сәтті орындағанын, тақырыпты ашқанын айтты. Емтихан тапсырушы екінші тапсырмада Бауыржан Момышұлы прозасынан үзінді оқып берді. Президенттікке ниет білдіруші үшінші тапсырманы да тамаша орындаған.
"Жарылқап Қалыбай қазақ тілін еркін меңгерген. Сәттілік тілейміз", - деп хабарлады Жолдасбеков. Лингвистика комиссиясы басшысының айтуынша, Жарылқап Қалыбай Мемлекет басшысынан кейінгі қазақ тілін жетік білетіндігімен комиссияны таңғалдырған екінші адам болды.
55 жастағы Жарылқап Қалыбай сайлауға қатысуға 12 наурыз күні өтініш берген болатын. Қазақстан президенттігіне үміткерлерден өтініш қабылдау 15 наурыз күні сағат 00.00-де аяқталды. ОСК хатшысы Бақыт Мелдешовтің хабарлауынша, 16 наурыз күнгі сағат 00.01-дегі мәлімет бойынша, Орталық сайлау комиссиясында 27 өтініш болды.
Бұған дейін бес үміткердің лингвистика комиссиясының емтиханынан өтіп, ұсынылған талаптарға сай келетіні хабарланған еді. Олардың арасында Мемлекет басшысы Нұрсұлтан Назарбаев, ҚКХП атынан үміткер Тұрғын Сыздықов, өзін-өзі ұсынушылар - Лимана Қойшиева, Қанат Тұрагелдиев, Әбілғазы Құсайынов бар. Оларға қол қою парақтары берілді.
15 наурыз күні қазіргі Мемлекет басшысын қолдаушылардың жарты миллион қол жинағаны белгілі болды. Еске сала кетейік, Қазақстанда кезектен тыс президент сайлауы 26 сәуірде өтеді.
