"Процесті созып, көбірек ақша алу". Асанов соттасуға ниетті қазақстандықтарға кеңес берді

13 Шілде, 14:26
0
© Тұрар Қазанғапов
© Тұрар Қазанғапов

Жоғарғы сот төрағасы Жақып Асанов соттасуға ниетті қазақстандықтарға үндеу жасады, - деп хабарлайды Tengrinews.kz тілшісі.

Жоғарғы сот төрағасы қазақстандықтарға сот істеріне адвокаттарды жалдаған кезде олардың кәсіпқойлығы мен біліктілігіне көбірек назар аударуға шақырды.

"Азаматтарға және бизнес өкілдеріне айтамын. Соттасуға ниетті адамдарға айтатыным. Сіздер заңгерлерді жалдайсыздар. Өкінішке қарай, қазір нашар жұмыс істейтін адвокаттар өте көп. Өз ісін жетік білмегендерінен бе немесе пайдакүнемдіктен бе. Олар сіздің атыңыздан ұзақ-ұзақ өтініштер жазады. Сізді де, сотты да шатастырады. Олардың мақсаты - процесті барынша созу, осылайша көп ақша табу. Оларға сіздікі дұрыс па, бұрыс па, істі сіз жеңесіз бе немесе ұтыласыз ба - маңызды емес. Ең бастысы мұнда - процесті созу, сол кезде сіз оларға тағы ақша төлейсіздер. Ондай алаяқтардан абай болыңыздар, алданып қалмаңыздар", - деді Жақып Асанов Жоғарғы соттың кеңейтілген отырысы барысында.

Сондай-ақ, Асанов Мемлекет басшысының тапсырмасы бойынша Жоғарғы сотта сот жүйесін модернизациялауға қатысты өзгертулердің талқыланып жатқанын айтып өтті.

Получить короткую ссылку

Тегтер:

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай