Қазақстан өкілдері Қытайда өтіп жатқан халықаралық Hong Kong International Travel Expo туристік көрмесіне қатысты, - деп хабарлайды Тengrinews.kz тілшісі ҚР Инвестициялар және даму министрлігінің Туризм индустриясы департаментінің баспасөз қызметіне сілтеме жасап.
"Оңтүстік-Шығыс Азия туристік қызмет нарығындағы әлемдегі ең ірі қаржы орталықтарының бірі. Гонконг тұрғындарының да Ұлы Жібек жолы елдерінің бірі ретінде Қазақстанға деген қызығушылығы артып келеді. Бұған визасыз режим мен Гонконг - Алматы тікелей әуе рейсі себеп. Бұл көрмеде Қазақстанды ҚР ИДМ туризм индустриясы департаментінің облыстық өкілдері таныстырып жатыр", - делінген хабарламада.
.jpg)
Көрмеде 50-ден астам елдің қойылымдары көрсетілді. Жыл сайын көрмеге 75 мыңға жуық турист, шамамен 12 мың маман, шетелдік ақпарат құралдары өкілдері мен инвесторлар қатысады. Бұл көрмеге қатысу Қытай мен Оңтүстік-Шығыс Азия нарығында еліміздің туристік өнімдерін дамытуға мүмкіндік береді.
Көрме барысында әр елден келген туристік компаниялардың басшылары кездесу өткізіп, туризмді дамыту үшін тәжірибе алмасты.
Биыл Қазақстан павильоны екі номинация - Иновациялық стенд пен Ұлттық киімдердің топтамасын көрсету бойынша марапатталды. Жергілікті ақпарат құралдары Қазақстанның көрікті жерлері туралы репортаж жасады.