Шымкенттің тұрғындары ауа райымен мақтанып жатыр. Жаңа Жылға бір апта қалса да, қалаға көктем келгендей - 18 градус жылы, - деп хабарлайды Tengrinews.kz.
Шымкенттің тұрғыны бүгін қалада расымен көктемдегідей жылы екенін дәлелдегісі келіп, редакциямызға видео жолдады.
Айта кетейік, Gismeteo мәліметтері бойынша, бүгін Шымкентте +17 градус.
Алматы мен Астанада да бүгін күн жылы. Синоптиктердің мәлімдеуінше, бүгін Алматыда +3, ал Астанада -1 градус.
"Қазгидромет" орталығының болжамы бойынша, 24 желтоқсанда еліміздің басым бөлігінде жауын-шашынды, тек шығыста, оңтүстік-шығыста күн ашық болады. Кей жерлерде тұман түсіп, боран соғады, көк тайғақ болып, жел күшейеді.
"Қызылорда, Жамбыл облыстарының кей жерлерінде тұман, көктайғақ, күндіз жел 15-20, Жамбыл облысында екпіні секундына 23 метр болатын дауыл күтіледі. Батыс Қазақстан, Ақмола, Қарағанды облыстарының кей жерлерінде бұрқасын, тұман, күндіз кей жерлерінде жел секундына 15-20 метрге дейін күшейеді, Батыс Қазақстан, Қарағанды облыстарының кей жерлерінде көктайғақ күтіледі. Оңтүстік Қазақстан облысының кей жерлерінде тұман, күндіз жел секундына 15-20 метрге дейін күшеюі ықтимал. Атырау, Маңғыстау облыстарының кей жерлерінде тұман, көктайғақ, Қостанай, Солтүстік Қазақстан облыстарының кей жерлерінде бұрқасын, жел секундына 15-20 метр болады деп күтіледі. Күндіз Павлодар, Шығыс Қазақстан облыстарының кей жерлерінде жел секундына 15-20 метр болады деп күтілуде", - делінген хабарламада.
