Қызылорда мен Павлодар облыстарында жаңа прокурорлар тағайындалды, - деп хабарлайды Tengrinews.kz тілшісі Бас прокуратураның баспасөз қызметіне сілтеме жасап.
"ҚР Бас прокурорының бұйрығымен 2016 жылдың 10 маусымынан бастап ҚР Президентінің мемлекеттік 3 дәрежелі заң кеңесшісі Қараманов Серік Сәдуақасұлы Павлодар облысының прокуроры болып тағайындалды", - делінген хабарламада.
"ҚР Бас прокурорының бұйрығымен 2016 жылдың 10 маусымынан бастап ҚР Президентінің аға заң кеңесшісі Дәуешев Халидулла Зиноллаұлы Қызылорда облысының прокуроры болып тағайындалды", - деді Бас прокуратураның баспасөз қызметіндегілер.