Қызылорда облысында қаржы полициясы ғимаратына Қазақстанның жыртылған туы ілінген

©vesti.kz

Қызылорда облыстық орталық ауданаралық қаржы полициясы бөлімінің ғимаратында Қазақстанның жыртылған туы ілініп тұрды, - деп хабарлайды Тengrinews.kz тілшісі облыстық прокуратураның баспасөз қызметіне сілтеме жасап.

Қызылорда облыстық орталық ауданаралық қаржы полициясы бөлімінің ғимаратында Қазақстанның жыртылған туы ілініп тұрды, - деп хабарлайды Тengrinews.kz тілшісі облыстық прокуратураның баспасөз қызметіне сілтеме жасап.

Мұны Қармақшы аудандық прокуратурасының қызметкерлері мемлекеттік мекемелердегі "Мемлекеттік рәміздер туралы" Конституциялық заңның сақталуын тексерген кезде анықтады. Прокурорлар стандартқа сай келмейтін Қазақстанның бұл туының ауыстырылуы және жойылуы тиіс екенін еске салды. "Конституциялық заңның талабына қарамастан, Қызылорда облыстық орталық ауданаралық қаржы полициясы бөлімінің ғимаратында талапқа сай келмейтін Қазақстан туы ілініп тұрды. Қызылорда облыстық қаржы полициясының басшылығына аталған заңбұзушылық үшін тұлғаларды жауапкершілікке тарту мәселесін шешу туралы нұсқау берілді", - деп хабарлады баспасөз қызметі.

Еске сала кетейік, бұған дейін Астанадағы сауда орталығының Қазақстан туын дұрыс ілуге мәжбүрленгені хабарланған болатын. Азаматтардың хабарлауынша, бұл жерде мемлекеттік рәміз қалай болса, солай буылған. Ал Алматыда жүргізуші Қазақстан туын қоқысты бүркеуге арналған кенеп орнына қолданған. Оған 340 мың теңге көлемінде айыппұл салынды.

Қаржы полициясы Құқық қорғау органдары Қызылорда облысы Конституция Заң