+7 (777) 001 44 99
Қазақша
Русский
English
Ресейде пойызбен соғысқан автобустың жүргізушілері Оңтүстік Қазақстан облысының тұрғындары болғаны анықталды, - деп хабарлайды Tengrinews.kz тілішсі Қазақстанның Ресейдегі елшілігінің баспасөз қызметіне сілтеме жасап.
Жол-көлік оқиғасынан 40 жастағы Н.Сарманов аман қалды. Ал екінші қазақстандық жүргізуші - 47 жастағы Д.Шілдебаев қаза тапты.
"Алдын ала мәлімет бойынша, бүгін, 6 қазанда сағат 03:29-да Владимир облысында "Покров" теміржол станциясында жолаушылар автобусы теміржол бағдаршамының рұқсат етілмеген белгісіне жүріп кетіп, салдарынан пойызбен соқтығысқан. Автобус салонында болған оннан аса адам қаза тапқан", - делінген хабарламада.
Еске сала кетейік, Владимир облысында жұмаға қараған түні автобус пен пойыз соғысқан болатын. Соңғы мәліметтерге қарағанда, жол апатынан 17 адам қаза болды. БАҚ мәліметінше, автобус Қазақстаннан барған.
Қазіргі уақытта тергеушілер Ресейде болған жол апатынан аман қалған қазақстандық жүргізушіден жауап алып жатыр.
