Сағынтаев Ақмола облысының жаңа әкімін су тасқынына байланысты сөкті

18 Сәуір 2017, 11:31
11
Сағынтаев Ақмола облысының жаңа әкімін су тасқынына байланысты сөкті -

ҚР премьер-министрі Бақытжан Сағынтаев су тасқынына жол берген Ақмола облысының әкімін сөкті, - деп хабарлайды Tengrinews.kz тілшісі.

"Мәлік Кеңесбайұлы, сіз қазір Сандықтау туралы айттыңыз. Оқимын: "Түнгі уақытта Жабай өзенінде мұз кептелісі салдарынан су деңгейі көтерілді". Біз ненің алдын ала алмадық? Аралып шықтыңдар, бақыладыңдар. Жарылыс жұмыстарын жүргізуге болар еді ғой. Төтенше жағдайлар комитеті жұмыс істеп жатыр, олар қайда қарап отыр? Неге бұл жұмыстар орындалмаған?", -деп сұрады Сағынтаев Ақмола облысының әкімінен.

Мәлік Мырзалин өз кезегінде сол кезде жұмыстардың жүргізілгенін, бірақ мұз кептелісінің байқалмағанын айтты.

"Жұмыстар атқарылды, бірақ ол жақ орман болғандықтан және таулы болғандықтан қар жиналып қалған. Түнде сағат 3 пен 7 ортасында су деңгейі расында да 40 сантиметрге көтерілді. Сағат 7-ден бері су деңгейінің тұрақсыз деңгейі байқалады", - деп жауап берді Мәлік Мырзалин.

"Халыққа мұны түсіндіре алмайсың. Ақша бөлініп жатыр, оны барлығы көріп отыр. Ал біздің жұмысымыз түсініксіз", - деді премьер-министр.

Сондай-ақ, Бақытжан Сағынтаев әкімнен Атбасар қаласындағы бөгетті кімнің салғанын және мұның кімнің жобасы екенін сұрады.

"Атбасардағы бөгет туралы айтатын болсақ, бөгеттің жобасын "Горсельпроект" ЖШС жасады. Ал құрылыс жұмыстарымен Астанадағы мердігерлік ұйымдардың бірі айналысты. Облыстағы 12 аудандағы 35 жолда су арнасынан тасыды, 34 елді мекен су астында қалды. Су деңгейі көтеріліп жатқан үйлердің саны 893-ке жетті, 2400 адам алдын ала эвакуацияланды", - деді әкім.

Оның айтуынша, бүгінде 318 үйде су тартылды, эвакуацияланған 307 үйдің тұрғындары үйлеріне қайтты. 1619 адам туыстарының үйінде тұрып жатыр.

"Алдын ала жүргізілген шараларға қарамастан Сандықтау мен Атбасар аудандарында 17 сәуірде төтенше жағдай жарияланды. 9 елді мекенде су деңгейі 1 метрден екі метрге дейін жетті. Атбасарда жағдай қиын. Онда 405 үй су астында қалып, 1307 адам эвакуацияланды. Сандықтау ауданында түнде су деңгейі 40 сантиметрге дейін жетті. 304 үй су астында қалып, 720 адам эвакуацияланды", - деді әкім.

Бақытжан Сағынтаев болса биліктегілердің су тасқынына ұшыраған аумақтарды ерекше қатаң бақылауда ұстау керектігін айтты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (11)
Оқылып жатыр
Талқыланып жатыр
Бүгін
Апта
Ай