Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Сағынтаев Алматыдағы жағдай бойынша мәлімдеме жасады 10 қаңтар 2022, 10:36

Бақытжан Сағынтаев Алматының тыныс-тіршілігін біртіндеп қалыпқа келтіру туралы айтты, - деп хабарлайды Tengrinews.kz тілшісі қалалық әкімдіктің
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Фото: Жасұлан Нұрқасымов/Tengrinews Фото: Жасұлан Нұрқасымов/Tengrinews

Бақытжан Сағынтаев Алматының тыныс-тіршілігін біртіндеп қалыпқа келтіру туралы айтты, - деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап. 

Ведомство мәліметінше, Сағынтаев қала тұрғындарына тыныштық пен батылдық, жағдайды тұрақтандыруға және тәртіп орнатуға ықпал еткені үшін алғыс айтты.

"Біз қазақстандықтардың қиын кезеңдерде ұйымшыл болып, біртұтас жұдырық ретінде әрекет ететініне тағы да көз жеткіздік. Алматылықтарға тәртіпсіздік кезінде көрсеткен сабырлылық пен батылдық және бізге көрсеткен көмектеріңіз үшін алғыс айтамын", - деді Бақытжан Сағынтаев.

Алматының тыныс-тіршілігін қалпына келтіру жөніндегі қалалық штаб тәулік бойы жұмыс істейді. Қаланың барлық қызметтері антитеррористік орталықпен тығыз қарым-қатынаста жұмыс істейді. Барлық мәселелер келісілген түрде шешіледі және біртіндеп қала қалыпты жағдайға оралады.

Әкімдік мәліметінше, қаланың барлық ауданында тазалық жұмыстары жүргізіліп жатыр. Көшелерден 200 тоннадан астам қоқыс, аулалардан мың тоннадан астам ҚТҚ шығарылды. Коммуналдық қызметтер әскери қызметшілер залалсыздандырған аумақтарға кіреді. Құқық қорғау органдары қаланы тазарту жүріп жатыр. Айта кетейік, бұл күндері қаланың тыныс-тіршілігін қамтамасыз ету жүйесі үзіліссіз жұмыс істеді. Халықты сумен жабдықтау, кәріз, газбен жабдықтау, жылу қызметтерімен қамтамасыз ету штаттық режимде жүргізіледі.

Қаланың азық-түлік қауіпсіздігі қамтамасыз етілді. 80-ге жуық супермаркет, үш ірі азық-түлік базары, 70-ке жуық ЖҚС, 111 дәріхана жұмыс істей бастады, олардың үшеуі тәулік бойы жұмыс істейді. Автогаз бағасы литріне 70 теңгеге дейін төмендеді.

"Қабылданып жатқан шаралар қала өмірін біртіндеп қалыпқа келтіруге мүмкіндік берді. Бізден тек сабырлылық, шыдамдылық пен түсіністік қажет", - деді қала әкімі. 

Бақытжан Сағынтаев ТЖ режимінің талаптарын мүлтіксіз сақтау және коменданттық сағатты бұзбау қажеттігін еске салды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram