Үкімет үйінде ҚР премьер-министрі Бақытжан Сағынтаев Мемлекет басшысының ағымдағы жылдың 9 қыркүйегінде Үкіметтің кеңейтілген отырысында жұмыспен қамту мәселелері бойынша берген тапсырмаларын іске асыру туралы кеңес өткізді, - деп хабарлайды Tengrinews.kz тілшісі премьер-министрдің сайтына сілтеме жасап.
Кеңес барысында 2017 жылдан бастап "Баршаға арналған ақысыз кәсіби-техникалық білім беру" жобасын енгізу, "Бизнестің жол картасы - 2020", "Жұмыспен қамту жол картасы" бағдарламаларын және тұрғындарға шағын несие беру іс-шараларын әрі қарай жетілдіру мәселелері талқыланды.
