Сапарбаев: атаулы әлеуметтік көмектің өсуі сайлауға қатысты емес

24 Маусым, 11:39
0
Сапарбаев: атаулы әлеуметтік көмектің өсуі сайлауға қатысты емес -

Еңбек және халықты әлеуметтік қорғау министрі Бердібек Сапарбаев атаулы әлеуметтік көмектің өсуі Қазақстанда өткен президенттік сайлауға еш қатысы жоқ екенін мәлімдеді, - деп хабарлайды Tengrinews.kz тілшісі.

Министрдің халыққа есеп беру кездесуінде атаулы әлеуметтік көмек туралы мәселе қозғалды. 

"Сайлауға дейін әлеуметтік желіде атаулы әлеуметтік көмектің берілмейтіні жайлы хабарлама тараған еді. Бұл рас па?", - деген сұрақ болды. 

"Тағы да қайталап айтқым келеді. Ең бастысы биылға 130 миллиард теңге бөлінді. Осыған дейін 67 миллиард теңге бірінші жартыжылдықта жұмсалғанын мәлімдедім. Атаулы әлеуметтік көмектің сайлаумен еш байланысы жоқ. Бізде барлығын сайлаумен байланыстырғанды ұнатады", - деді Сапарбаев.

Осыған дейін министр бүгінгі күнге дейін 277 отбасы атаулы әлеуметтік көмекті алып жатқанын айтқан. Бұл 1 миллион 333 мың адам. Оның ішінде 920 мыңы бала.

Айта кетейік, кезектен тыс президент сайлауы 9 маусымда өтті. Сайлауда Қасым-Жомарт Тоқаев жеңіске жеткен.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай