Сәрінжіпов: Оқу бағдарламасы қоршаған әлемнен алшақ

21 Тамыз 2014, 14:08
0
Сәрінжіпов: Оқу бағдарламасы қоршаған әлемнен алшақ - ©Тengrinews.kz
©Тengrinews.kz

Білім және ғылым министрі Аслан Сәрінжіпов білім беру жүйесінің мазмұны мен әдістемесін жетілдіру керектігін айтты, - деп хабарлайды Tengrinews.kz тілшісі Астанадағы тамыз кеңесінен.

"Әрине, шешуші міндет мазмұн мен әдістемені жетілдіру болып тұр. Бағдарламаларымызды, әдістемелерімізді жаңарту - маңызды міндеттердің бірі. Бүгінде бұл мәселе бойынша пікірталастар болып жатыр. Біз жаңа стандарт жобасын жасадық. Егер бүгінде 5-6-сынып оқушысы курсор, клавиатураны оқытатын информатика сабағынан шығып, смартфонын қосып, қазіргі қосымшаларды еркін жүктей алатын, Интернетке еркін бейімделетін болса, оның басында психологиялық мәселелер туындайды, ол оқыту бағдарламасы мен қоршаған орта арасында алшақтық барын байқайды. Біз алдағы жылдары мұқият жұмыс істеуіміз қажет. Біздің түлектеріміз ертең әлемде бәсекелесе ала ма, мұны анықтаудың шешуші мәні бар", - деді Сәрінжіпов.

"Қазір жаңа мемлекеттік стандартпен жұмыс істеу басталды, оның баланы оқытудағы түпкілікті айырмашылығы - ақпараттық кеңістікті өз еркімен бағдарлай алуы, мәліметтерді тауып, талдай білуі, қорытынды жасай алуы", - деді министр. Тамыз кеңесінде Астана қаласының әкімі Иманғали Тасмағамбетов те астаналық мұғалімдердің компьютерлік сауаттылығын арттыру қажеттігін айтты.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай