13 қыркүйек 2022 10:47

"Сбербанк Қазақстанның" атауы "Береке банк" болып өзгереді

Гүлнара Досымшалова Корреспондент

ПОДЕЛИТЬСЯ

"Сбербанк Қазақстанның" атауы "Береке банк" болып өзгереді, - деп хабарлайды Tengrinews.kz тілшісі. Бұл туралы "Бәйтерек" ұлттық басқарушы холдингінің басқарма төрағасы Қанат Шарлапаев журналист Дмитрий Шишкинге берген сұхбатында айтты.


"Сбербанк Қазақстанның" атауы "Береке банк" болып өзгереді, - деп хабарлайды Tengrinews.kz тілшісі. Бұл туралы "Бәйтерек" ұлттық басқарушы холдингінің басқарма төрағасы Қанат Шарлапаев журналист Дмитрий Шишкинге берген сұхбатында айтты.

Шарлапаевтың айтуынша, ресейлік "Сбербанктен" сатып алынған Қазақстандағы еншілес банк ребрендингтен өтіп, жаңа атау алмақ.

"Ребрендинг міндетті түрде болады. 1 қыркүйекте меншік құқығын беру транзакциясын жаптық. Жаңа банк "Береке банк" деп аталады. Қазақша жақсы сөз, мұны барлығымыз бір-бірімізге тілейміз. Сондықтан бұл банк бұған дейін жұмыс істеген құндылықтар мен ұмытылысты көрсетеді деп ойлаймын және әрі қарай да солай жұмыс істейді деп үміттенеміз", - деді Шарлапаев.

2022 жылдың 2 қыркүйегінде "Бәйтерек" Ұлттық басқарушы холдингі "Сбербанктің" еншілес банкінен барлық акцияларын сатып алу бойынша мәмілені аяқтағаны белгілі болды. 

Мәміле өзара қолайлы қаржылық шарттармен жасалып, барлық қажетті реттеушілік мақұлдаулардан өткені айтылды.

"Банк клиенттер алдындағы барлық міндеттемелерін орындауды жалғастырады, қолданыстағы клиенттер үшін банк өнімдерінің барлық шарттары өзгеріссіз қалады.

"Бәйтерек" холдингі банктің елдің қаржы жүйесі үшін маңыздылығын жоғары бағалайды. "Сбербанк Қазақстан" қолжетімді заманауи инфрақұрылым мен технологиялар іс-шараларды толық жүзеге асыруға және ел экономикасының нақты секторын қаржыландыруды жалғастыруға мүмкіндік береді", - деді холдинг өкілдері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 448.15   483   4.85 

 

Ауа райы

 

Редакция Жарнама
Социальные сети