Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Сенаторлар Назарбаевтан кезектен тыс сайлау өткізуге келісім беруді сұрады

19 Ақпан 2015, 10:54
4
Cенат ғимараты. ©parlam.kz
Cенат ғимараты. ©parlam.kz

ҚР Парламенті Сенаты Нұрсұлтан Назарбаевтан кезектен тыс президент сайлауын өткізу мүмкіндігін қарастыруды сұрады, - деп хабарлайды Tengrinews.kz тілшісі. 

Жалпы отырыста Қазақстан халқы ассамблеясының кезектен тыс президент сайлауын өткізу туралы үндеуін қараған жоғарғы палатаның спикері Қасым-Жомарт Тоқаев "мұның дер кезінде көтерілген бастама" екенін мәлімдеді.  

Ол Қазақстанның барлық жетістіктерін ел азаматтары Елбасы есімімен байланыстыратынын атап өтті. "Бұл - Ұлт көшбасшысына деген халықтың берген әділетті бағасы. Қазақстан халқы ассамблеясының бастамасын қолдау туралы үндеу қабылдауды ұсынамын", - деді Тоқаев. 

"Құрметті Нұрсұлтан Әбішұлы Назарбаев, Парламент Сенаты Қазақстан халқы ассамблеясы ұсынған кезектен тыс президент сайлауын өткізу туралы бастаманы толық қолдайды. Бұл бастаманы уақыттың өзі туғызып отыр және Қазақстан қоғамының оң көзқарасына ие болды", - деді спикер. 

"Аса құрметті Нұрсұлтан Әбішұлы, Сізден кезектен тыс президент сайлауын белгілеу мәселесін қолдауды және қарастыруды сұраймыз", - деді Тоқаев. 

Бұдан соң ҚХА бастамасына басқа да сенаторлар қолдау білдірді. Депутат Мұхтар Алтынбаев "бұл мәселені әскерилердің тұтас қолдайтынын" айтты. Дауыс берудің нәтижесі бойынша бұл мәселені отырысқа қатысқан 42 депутаттың 41-і мақұлдап, біреуі қарсы болды. 


Нравится
Поделиться
Пікірлерді көру (4)
Оқылып жатыр
Талқыланып жатыр
Бүгін
Апта
Ай