+7 (777) 001 44 99
ПОДЕЛИТЬСЯ
Полиция генерал-майоры Серік Күдебаев Алматы қаласы полиция департаменті басшысы қызметінен кетті және Алматы облысындағы ПД басшысы болды, - деп хабарлайды Polisia.kz.
Полиция генерал-майоры Серік Күдебаев Алматы қаласы полиция департаменті басшысы қызметінен кетті және Алматы облысындағы ПД басшысы болды, - деп хабарлайды Polisia.kz.
Ішкі істер министрі Ерлан Тұрғымбаев полиция департаменті жеке құрамына жаңа басшыны таныстырды.
"Президент Әкімшілігі мен облыс әкімінің келісімі бойынша Алматы облысы полиция департаментінің бастығы қызметіне полиция генерал-майоры Серік Мырзақұлұлы Құдебаев тағайындалды", - делінген хабарламада.
Осыған дейін Алматы облысы полиция департаментінің басшысы қызметін атқарған полиция генерал-майоры Үрімханов Мұрат Жәлелұлы кадр резервіне алынған.
Серік Күдебаев 2013 жылы қазан Алматы ішкі істер департаментінің (қазір - полиция департаменті) басшысы болып тағайындалған. Оған дейін ол Алматы облысының ІІД басшысы болған.
Серік Күдебаев 1965 жылы 1 қаңтарда Алматы облысындағы Шиелі ауылында дүниеге келген. 1990 жылы Қарағанды ІІМ жоғары мектебін бітірді.
Еңбек жолын Алматы облыстық атқару комитетінің ішкі істер басқармасы Жамбыл аудандық ішкі істер бөлімінің қылмыстық іздестіру бөлімшесінің жедел уәкілі болып бастады (1990-1994 жылдар). Әр жылдары қылмыстық іздестіру, криминалдық полицияда жұмыс істеді. 2006 жылы Алматы облысының Ішкі істер департаменті Жамбыл ауданының ішкі істер бөлімінің басшысы болып тағайындалды, 2007 жылы Алматы облысының Ішкі істер департаменті Қарасай ауданының Ішкі істер басқармасының бастығы болып тағайындалды.
2009-2012 жылдары Алматы облысы Ішкі істер департаменті бастығының бірінші орынбасары қызметін атқарды. 2012 жылдан 2013 жылға дейін Алматы облысы Ішкі істер департаментінің басшысы қызметін атқарды.
