+7 (777) 001 44 99
Қазақша
Русский
English
Қазақша
Русский
English
Шахандағы от жағушының отбасы қазір қиын жағдайда: 5 жасқа дейінгі екі баласы ауырып жатыр, анасы жұмыссыз отыр. Сондықтан ауылдың қайырымды адамдары оларға материалдық көмек ретінде азық-түлік өнімдері мен киім-кешек беріп жатыр, - деп хабарлайды Tengrinews.kz тілшісі.
Шаханда төтенше жағдай болған күні №4 үйде кезекші болған от жағушы Мейрамбек әлі күнге дейін табылмады. Оның жерлестері Мейрамбектің өз Отанында - Өзбекстанда жасырынып жүруі мүмкін екенін айтты. Айта кетейік, от жағушы мен оның отбасы Шаханның шетінде орналасқан бесқабатты үйде тұрады.
Ауыл әкімі Мұрат Жақыповтың айтуынша, сенбі күні от жағушының отбасына шенеуніктер барып қайтқан. Бірақ олардың не жайлы сөйлескені белгісіз.
"Балалар қиналмау керек деп ойламын, сондықтан да біз от жағушының отбасына материалдық көмек көрсеттік", - деді Шахан ауылының тұрғыны, - Бұл көмегіміздің қоғамдық қайырымдылық қорына еш қатысы жоқ. Біз өзіміз осылай шештік. Оларға кішкене ақша мен азық-түлік алып бардық. Әйелінің айтуынша, ол отбасының жалғыз асыраушысы".
Еске сала кетейік, 1 қаңтарда Шахтинск қаласындағы Шахан ауылында кешкі уақытта тұрғын үйдің бір бөлігі опырылып, 9 адам қаза тапқан болатын. Олардың үшеуі ер адам, үшеуі әйел, тағы үшеуі балалар екен. Ал кейін апаттың алдын ала себебі аталған еді. Ал кейін апаттың алдын ала себебі аталған еді.
Сондай-ақ, осыған дейін Шахан ауылында үйдің құлауынан қаза тапқандардың отбасына миллион теңгеден бөлінетіні хабарланған болатын. "Отбасыларына қаржылай көмек көрсету жайында. Әкімдік қаза тапқан әр адам үшін миллион теңгеден және 500 мың теңге ауруханада жатқан зардап шеккендерге бөледі. Сонымен қатар әкімдік қаза болғандарды жерлеу рәсімін және еске алуды өз мойнына алады", - деген еді облыстық әкімдіктің баспасөз қызметіндегілер.
Ал 4 қаңтарда Шахан кентінде төтенше жағдайдан қаза тапқандар жер қойнына тапсырылған болатын.
