Шенеуніктер оқулық тапшылығы жөнінде түсінік берді

20 Тамыз 2014, 12:43
0
Шенеуніктер оқулық тапшылығы жөнінде түсінік берді - ©Ярослав Радловский
©Ярослав Радловский

Алматы қалалық білім басқармасының мамандары қалада оқулық тапшылығы туындағаны туралы қауесеттерге қатысты түсінік берді, - деп хабарлайды Tengrinews.kz ҚР Білім және ғылым министрі Аслан Сәрінжіпов пен Алматы қаласының әкімі Ахметжан Есімов қатысқан тамыз кеңесінен.

Кейбір ақпарат құралдарының хабарлауынша, Алматыда мектеп оқулықтары жетіспей жатыр, ата-аналар бірнеше күн бойы ұзын-сонар кезекке тұруға мәжбүр. Әсіресе, 3-5 сыныптарға арналған орыс және қазақ әдебиеті оқулықтары тапшы.

"Егер оқулық тапшы боп жатса, сондай ақпарат шынымен білім басқармасына келіп түсетін болса, біз оны қарайтын боламыз. Биыл оқулықтарға миллиард теңгеден астам қаржы бөлінді, проблема болмайды деп ойлаймын", - деді Алматы қалалық білім басқармасының жетекшісі Рахат Шимашева тамыз кеңесінің сыртында журналистерге. 

Еске сала кетейік, оқулықтар тапшылығы туралы ақпаратты кітаптарды өз қаржысына сатып алуға наразы болған ата-аналар таратты. Кейін Білім және ғылым министрлігі оқушылардың тегін оқулықтармен кезең-кезеңмен қамтылатынын түсіндірді. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай