+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ішкі істер министрі Қалмұханбет Қасымов Алматыда трамвай ұшыраған жол апатына қатысты пікірін айтты, - деп хабарлайды Tengrinews.kz тілшісі.
Ішкі істер министрі Қалмұханбет Қасымов Алматыда трамвай ұшыраған жол апатына қатысты пікірін айтты, - деп хабарлайды Tengrinews.kz тілшісі.
Tengrinews.kz тілшісінің таяу уақыттан бері трамвайдың қатысуымен екі бірдей жол-көлік оқиғасының болуына байланысты шаралардың күшейтілуі туралы сұрағына ол тергеудің енді ғана басталғанын айтты.
"Қазір тергеу жүріп жатыр. Шешім шығарылады. Сол кезде техникалық сараптамалар жүргізіліп, себебі анықталады", - деді министр Қасымов. Ал "Алматыда трамвай көлігін алып тастау" туралы сұраққа ол бұл мәселеге қатысты пікір білдіруге құқылы емес екендігін айтып, жауап берді.
Ал деподағылар болған оқиғаға қатысты түсінікті әзірше бермей отыр. Еске сала кетейік, кеше, 13 қазанда Алматыда рельстен шығып кеткен трамвай бірнеше автокөлікпен соқтығысып қалған еді.
Болжам бойынша, Мақатаев көшесінің бойымен қозғалып бара жатқан трамвай белгісіз себептермен Сейфуллин даңғылымен қиылыста он автомобильді соғып, кейін қозғалысын жалғастыра отырып тағы төрт көлікпен соқтығысқан. Жол-көлік оқиғасының салдарынан бір қыз зардап шекті. Ол ауруханаға жеткізілді. Қыздың жағдайы әзірше белгісіз. Куәгерлердің айтуынша, жол-көлік оқиғасы трамвайдағы ақаулардан болған.
"Осы дерек ҚР ҚК 345-бабы бойынша сотқа дейінгі тергеудің бірыңғай реестрінде тіркеуге алынды. Сараптамалар тағайындалды. Соның нәтижесі бойынша оқиғаның мән-жайы нақтырақ айтылады", - деп хабарлады Алматы ІІД баспасөз қызметі.
