Шөкеев арыстықтармен бірге бір ай тұрады

28 Маусым, 17:05
0
Шөкеев арыстықтармен бірге бір ай тұрады - Сурет: Тұрар Қазанғапов
Сурет: Тұрар Қазанғапов

Түркістан облысының әкімі Өмірзақ Шөкеев бір ай бойы Арыс тұрғындарымен бірге тұрып, сонымен қатар қаланың қалпына келтіру жұмыстарын бірлесе бақылайтын болады. Бұл туралы әкімнің кеңесшісі Сәкен Қалқаманов айтып берді, - деп хабарлайды Tengrinews.kz тілшісі. 

"Өмірзақ Естайұлы Шымкенттегі Арыс қаласының тұрғындары алдында сөз сөйлеген кезінде, бір ай бойы сіздермен бірге тұратындығын, сөйтіп облысты басқарып, қаланың бұрынғы қалпына келуін және инфрақұрылым объектілерін қайта жаңартатынын айтты", - деді Сәкен Қалқаманов.

Әкім кеңесшісі бірінші кезекте үйлерді қалпына келтіру туралы шешім қабылдағанын айтты. "Қала 17 секторға бөлінді, әр секторға нақты аймақ бекітілді. Мысалға, ең күрделі сектор Жетісай шағын ауданына - Атырау облысы бекітілді. Ол жерде снарядтар жан-жаққа максимал шашырап кеткен. Қазіргі уақытта саперлер ол жерде тазалау жұмыстарын жүргізіп жатыр. Содан кейін, қайта қалпына келтіру жұмыстары басталады", - деді ол.


Қаладағы 7 600 тұрғын үйдің барлық терезесі жарылыстан сынып, 80 пайыз үйдің шатыры бұзылған. Арнайы комиссия ішкі бөлмелерді, ғимараттардың құрылысын тексереді. Сөйтіп, әрбір жеке жағдайды қарастырып, қалпына келтіру жұмыстарына қатысты шешім қабылдайтын болады.

Сонымен қатар, ұлттық компаниялар әлеуметтік инфрақұрылым объектілерін: мектеп, аурухана және ХҚК орталық ғимараттарын қалпына келтіреді. 

"Осы уақыт бойы Өмірзақ Естайұлы барлық зардап шеккенмен кездесіп, әрқайсысымен жеке сөйлесуге әзір. Арыс қаласының әр секторына Қазақстан облысының әкімдері бекітілген. Олар Өмірзақ Естайұлына: азық-түлікпен қамтамасыз етуге, заң және тәртіпті бақылауға, құжаттарды жоғалтуға қатысты өзекті мәселелерді шешуге көмек қолын созады", - деді Қалқаманов.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай