27 ақпан 2024 16:21

"Шұғыл шешуге ниет танытқан жоқ". Премьер-министр меморгандар мен әкімдіктерді сынға алды

ПОДЕЛИТЬСЯ

Фото:t.me/KZgovernment Фото:t.me/KZgovernment

Премьер-министр Олжас Бектенов "Ауылда денсаулық сақтауды жаңғырту" ұлттық жобасын іске асыру қарқынының төмендігі үшін мемлекеттік органдар мен әкімдіктерді сынға алды, - деп хабарлайды Tengrinews.kz тілшісі.


Премьер-министр Олжас Бектенов "Ауылда денсаулық сақтауды жаңғырту" ұлттық жобасын іске асыру қарқынының төмендігі үшін мемлекеттік органдар мен әкімдіктерді сынға алды, - деп хабарлайды Tengrinews.kz тілшісі.

Үкімет отырысында денсаулық сақтау министрі Ақмарал Әлназарова "Ауылда денсаулық сақтауды жаңғырту" ұлттық жобасының басты міндеттері туралы баяндады.

Бектенов Үкіметтің кеңейтілген отырысында Мемлекет басшысы Қасым-Жомарт Тоқаевтың да бұл жобаны жүзеге асыру тиімділігінің төмендігін атап өткенін еске салды. Бұл мәселе үкіметте бірнеше рет қаралды, бірақ әзірге нақты оң нәтиже жоқ.

"Былтыр 309 нысанды салу жоспарланған болатын. Денсаулық сақтау министрлігі бақылауды әлсіретіп алды. Әкімдіктер де құрылыс орындарын анықтау, жер учаскелерін уақытылы бөлу бойынша түрлі сылтау айтып, мәселені шұғыл шешуге ниет танытқан жоқ. Жобалау құжаттарын рәсімдеу мен сараптама мәселелері де тым кешеуілдеп кетті. Сондықтан ауылдық жерлердегі медицина объектілерінің құрылысын бастау мерзімдері бұзылды", - деді Олжас Бектенов.

Олжас Бектенов "Ауылда денсаулық сақтауды жаңғырту" ұлттық жобасы бойынша жұмысты едәуір жеделдетуді тапсырды.

"Әрбір объектінің құрылысын құжаттарды дайындау, қаржыландыру кезеңінен бастап, уақытылы тапсырғанға дейін күнделікті бақылауға алу қажет. Сондай-ақ, медициналық жабдықтармен және персоналмен қамтамасыз ету мәселесі де назардан тыс қалмауға тиіс. Денсаулық сақтау министрлігі мен әкімдіктер биыл барлық объектінің құрылысы мен оларды пайдалануға беруді нақты мерзімінде аяқтауы қажет", - деді Бектенов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 448.06   483   4.85 

 

Ауа райы

 

Редакция Жарнама
Социальные сети