Шымкентте қанды қақтығыс болды

28 Қаңтар 2014, 10:02
0
Шымкентте қанды қақтығыс болды - Шымкентте салынып жатқан көпқабатты үй құрылысы. ©otyrar.kz
Шымкентте салынып жатқан көпқабатты үй құрылысы. ©otyrar.kz
Шымкентте шолақ мылтықпен, пышақпен қаруланған алты бұзақы тұрғызылып жатқан тұрғын үй құрылысы жұмысшыларына шабуыл жасады деп хабарлайды Tengrinews.kz Otyrar.kz порталына сілтеме жасап.

Астана даңғылындағы құрылыс нысанының 21 жастағы бір жұмысшысы оқиға орнында қайтыс болды. Тағы төрт жұмысшы түрлі дене жарақатын алып, ауруханаға түсті. Зардап шеккендердің жағдайы орташа деңгейде.

Қанды қақтығыс қаңтардың 26-сына қараған түні болған. Полиция шабуыл жасаушылардың Сайрам ауданының тұрғындары екенін анықтады. Қазіргі уақытта екі күдікті ұсталды, қалғандары іздестіріліп жатыр.

Бұзақылардың жұмысшыларға не себепті аяусыз жәбір көрсеткені әзірше белгісіз. Жорамалдардың бірі бойынша, көпқабатты үй құрылысымен айналысып жатқан кәсіпкердің жергілікті бандиттерге қорған болудан бас тартуы себеп болуы мүмкін. Қарақшылар өз әрекетімен бизнесменді қорқытып алмақ болғанға ұқсайды.

Оқиғаның мән-жайын тәртіп сақшылары анықтайтын болады. Бұл дерек бойынша "Кісі өлтіру" және "Бұзақылық" баптарымен қылмыстық іс қозғалды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай