+7 (777) 001 44 99
Қазақша
Русский
English
Синоптиктер 2016 жылдың 8-10 қазанына арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Алдағы тәулікте жоғары атмосфералық қысым алаңының ықпалынан Қазақстанның барлық аумағында шығыс және оңтүстік-шығыс аудандарды қоспағанда, 2-7 градус климаттық нормадан жоғары ауа температурасымен ала бұлтты жауын-шашынсыз ауа райы күтіледі.
Мұнда температура 1-3 грдаус және нормадан төмен болады. Бірақ Ресейдің Еуропалық бөлігінен ығысқан атмосфералық фронтпен, жексенбіде батыс, солтүстік және орталық облыстарда жаңбыр жауып, дүйсенбі кей кездері сулы қарға жалғасады. Республиканың солтүстігі мен орталығында түнгі сағаттарда тұман мен көктайғақ күтіледі. Қазақстанның оңтүстігінде, оңтүстік-батыс пен оңтүстік-шығысында алдағы үш тәулікте жылы және жайын-шашынсыз ауа райы сақталады.
Осыған дейін, Синоптиктер қазан айында ауа райы қандай болатынын айтып берген болатын. "Қазгидромет" РМК ұзақ мерзімді ауа райын болжау басқармасының басшысы Гүлмира Ақышеваның айтуынша, алдын ала болжамға сәйкес, ауа температурасы Батыс Қазақстан облысында, Атырауда, Маңғыстауда, Ақтөбе, Қостанай, Солтүстік Қазақстан, Ақмола және Павлодар облыстарында климаттық нормада ауа температурасы нормадан жоғары, яғни республиканың басқа облыстарына қарағанда 1-2 градусқа жылы болады.
