+7 (777) 001 44 99
Қазақша
Русский
English
Солтүстік Қазақстан облысы әкімдігі қыста төселген асфальтка қатысты пікір білдірді, - деп хабарлайды Tengrinews.kz тілшісі Жолаушылар көлігі және автомобиль жолдары басқармасына сілтеме жасап.
Басқарма мәліметінше, биыл 27 қарашада қоғамдық бақылау аясында облыстың арнайы бақылау тобы мен сыбайлас жемқорлыққа қарсы қызмет өкілдері облыстық жолдардың үш учаскесін қарап шықты.
"Бақылау тобы кепілдік міндеттемелер аясында мердігерлер жоятын кейбір кемшіліктерді қоспағанда, көрсетілген учаскелерде елеулі ережебұзушылықтарды анықтаған жоқ. Барлық қабылданған учаскеде техникалық қадағалауды жүзеге асыратын ЖШС өкілдері мердігерлердің ескертулерді жою бойынша жұмысын бақылайды.
Айыртау ауданы Каменый Брод ауылының маңындағы жол учаскесінде ауа райының қолайсыздығына байланысты асфальт төсеу дерегіне қатысты осы учаскедегі барлық жұмыс толық көлемде және құрылыс нормаларын сақтай отырып, оң температуралық режимде шартта белгіленген мерзімде орындалғанын түсіндіру қажет", - делінген басқарма хабарламасында.
Еске салайық, мұның алдында СҚО-да жол жөндейтіндердің асфальтты қардың үстіне төсегені хабарланған болатын. Әлеуметтік желіде тараған видеоларға қарағанда мердігерлерге жолды жөндеп бітіру оңайға соқпаған. Олар қоспаның қалдығын тасжолдың ортасына төгіп кеткен, тіпті үстінен арнайы техникамен тегістеуді ойламаған. Салдарынан жол жамылғысы аяқ астында үгітіліп жатыр.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
