14 маусым 2024 16:20

СҚО-да сотталушы колониядан қашып кеткен

ПОДЕЛИТЬСЯ

Фото ©️ Tengrinews.kz / Тұрар Қазанғапов Фото ©️ Tengrinews.kz / Тұрар Қазанғапов

Солтүстік Қазақстан облысында қауіпсіздігі ең төмен колониядан қашып кеткен сотталған адам іздестіріліп жатыр, - деп хабарлайды Tengrinews.kz тілшісі.


Солтүстік Қазақстан облысында қауіпсіздігі ең төмен колониядан қашып кеткен сотталған адам іздестіріліп жатыр, - деп хабарлайды Tengrinews.kz тілшісі.

38 жастағы сотталған адам СҚО Қызылжар ауданы Ольшанка ауылындағы колониядан қашып кеткен.

Ресми мәліметтерге сүйенсек, ер адам көлікті алып кеткені және ұрлағаны үшін үш рет сотталған. Сонымен қатар, ол екінші жазасын қауіпсіздігі ең жоғары қылмыстық-түзеу мекемесінде өтеген.

Ол үшінші рет 2022 жылы маусымда шөп шабатын машинаны, сондай-ақ, ауыл тұрғындарынан әртүрлі металл бұйым, жүк көлігін ұрлағаны үшін 4,5 жылға сотталды. Сотталған адам бұған дейін бұл әрекеттерін ақша жетпегеннен және мас болғаннн деп түсіндірген. Биыл 8 сәуірге дейін ол қауіпсіздігі ең жоғары қылмыстық-атқару жүйесінде жазасын өтеп, кейін қауіпсіздігі ең төмен колонияға ауыстырылды.

Солтүстік Қазақстан облысы бойынша облыстық қылмыстық-атқару жүйесі бұл жайтты растады.

"Сотталған адам жұмыс орнынан колонияға оралмады. Оны іздестіруге мекеме мен ҚАЖД қызметкерлері жұмылдырылды", - деді ведомствоның баспасөз қызметі өкілі.

Департамент өкілі қауіпсіздігі ең төменгі мекемелерде жазасын өтеушілер колониядан тыс жерде жұмыс істейтінін, жұмыс уақыты аяқталғаннан кейін мекемеге оралатынын түсіндірді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 473.16   490.7   5.4 

 

Ауа райы

 

Редакция Жарнама
Социальные сети