+7 (777) 001 44 99
ПОДЕЛИТЬСЯ
Ақтөбеде коронавирус жұқтырған науқаспен байланыста болған 68 адам карантинге жатқызылды, деп хабарлайды Tengrinews.kz тілшісі.
Ақтөбеде коронавирус жұқтырған науқаспен байланыста болған 68 адам карантинге жатқызылды, деп хабарлайды Tengrinews.kz тілшісі.
Ақтөбе облысы денсаулық сақтау басқармасының басшысы Әсет Қалиевтың айтуынша, қауіпті індетті жұқтырған әйел 22 наурызда Мәскеуден келген. Осы уақытта ол "коронавирус жұқтырды" деген күдікке ілінген.
Тексеріс барысында тест оң нәтиже көрсеткен. Кейін науқас госпитальға жатқызылған. Қазіргі таңда оның жағдайы қанағаттарлық.
Сонымен қатар, Әсет Қалиев науқаспен байланыста болған 68 адам оқшауланғанын атап өтті. Оның 38-і үй карантиніне жатқызылған.
"Науқаспен бірге ұшақта 57 жолаушы болған. Барлығынан тес сынамасы алынып, госпитальға жатқызылды. Барлығының жағдайы қанағаттарлық", - дейді Ақтөбе облысы тауарлар мен көрсетілетін қызметтердің сапасы мен қауіпсіздігін бақылау департаментінің басшысы Нұрсұлу Беркімбаева.
Осыған дейін Ақтөбеде бір адам коронавирус жұқтырғанын хабарлағанбыз.
Айта кетейік, бүгін елімізде коронавирус жұқтырғандардың саны 60-қа жетті.
