ШҚО-да бірнеше қалада қар жауды

Мөлдір Қалықова

Әлеуметтік желілерден алынған сурет

Шығыс Қазақстан облысында қолайсыз ауа райының салдарынан кейбір қалалар қар астында қалды, - деп хабарлайды Tengrinews.kz тілшісі.

Шығыс Қазақстан облысында қолайсыз ауа райының салдарынан кейбір қалалар қар астында қалды, - деп хабарлайды Tengrinews.kz тілшісі.

Еліміздің шығысында ауа температурасы төмендеп, +15 градустан салқындап кетті. Өскеменде, Риддерде, Серебрянскіде қатты қар жауды. Облыс орталығында қар тез еріп кетсе, Риддер мен Серебрянскіде қар қалып қалған. Жергілікті тұрғындардың айтуынша, қардың биіктігі - шамамен бес сантиметр.

Суреттер мен видеоларды әлеуметтік желі қолданушылары таратып жатыр.

Сондай-ақ, Риддер тұрғындары қалада болған бірнеше жол апаты жайлы хабарлап жатыр. Жүргізушілер мұны көктайғаққа дайын болмағандықтарымен түсіндіріп отыр. "Қазгидромет" өкілдері өз кезегінде мамыр айында жауған қардың сирек кездесетін құбылыс екенін айтып түсіндірді. Бірақ мамандардың айтуынша, бұл жалпы нормадан ауытқыған құбылыс емес.

"Мамыр айында таулы аймақтардағы жауын-шашын мөлшері нормадан жоғары болады деп күтіледі. Жақын арада күн айтарлықтай жылымайды. Ауа температурасы шамамен 0 градус аясында және +4 градус болады", - деді "Қазгидромет" өкілдері.

Әлеуметтік желілерден алынған сурет

Шығыс Қазақстан облысы Ауа райы