Алматыдағы Дулати даңғылының тұрғындары Үлкен Алматы ластанып жатқанына шағымданды. Олардың айтуынша, өзенге кәріз суы құйылып, осылайша өзендегі фауна жойылып жатыр, - деп хабарлайды Tengrinews.kz тілшісі.
Жергілікті тұрғындар лас өзен көрінетін видеоны да жолдаған.
"Біреу кәріз суын жіберген, балық өліп, тұншығып жатыр. Су қап-қара, күлімсі иіс шығады", - дейді видео авторы.
Алматының Экология департаменті жағдайға пікір білдірді.
"Су сынамаларын алдық. Дулати 224 учаскесінде орталық кәріз құбыры жарылғаны анықталды. Қазір иесін анықтап жатырмыз", - деді департамент өкілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!