Sulpak маңындағы ағаштарды кесу ісі: Қала прокуратурасы тергеуді бастады

Фото: Әлихан Сариев/Tengrinews.kz

Алматы қалалық прокуратурасы Төле би мен Әуезов қиылысының маңындағыағаштарды заңсыз кесу дерегі бойынша сотқа дейінгі тергеп-тексеруді бастады, - деп хабарлайды Tengrinews.kz тілшісі.

Алматы қалалық прокуратурасы Төле би мен Әуезов қиылысының маңындағыағаштарды заңсыз кесу дерегі бойынша сотқа дейінгі тергеп-тексеруді бастады, - деп хабарлайды Tengrinews.kz тілшісі.

Жалғасы

■

"Бұл мәселе жеке бақылауымда" - Сағынтаев Алматыда заңсыз оталған ағаштар туралы

24 қараша 2020, 16:34

■

Алматыда заңсыз оталған ағаштар: іс прокуратураға жолданды

17 ақпан 2021, 11:45

"Қала прокуратурасы Sulpak дүкеніне іргелес аумақты абаттандыру кезінде жеке кәсіпкердің ағаштарды заңсыз кесу фактісіне жауап берді. Уәкілетті мемлекеттік органдар аталған ағаштарды кесуге рұқсат бермегені анықталды. Аталған факт бойынша Алматы қаласының табиғатты қорғау прокуратурасы ҚР ҚК-нің 340-бабы (ағаштар мен бұталарды заңсыз кесу, жою немесе бүлдіру) бойынша сотқа дейінгі тергеп-тексеруді бастады", - делінген хабарламада.

Тергеу барысында тиісті сараптамалар тағайындалатыны, оның нәтижелері бойынша залал бағаланып, құқықтық баға берілетіні айтылады. Сотқа дейінгі тергеп-тексеру Алматы қаласы прокуратурасының бақылауында.

Алматыда заңсыз оталған ағаштар: Тоқаев Сағынтаевқа тапсырма берді

Еске салайық, мұның алматылықтар ағаштардың кесілгеніне наразылық білдірген еді. Жасыл экономика басқармасының баспасөз қызметі мен Sulpak компаниясының өкілдері осы жағдайға қатысты пікір білдірген болатын. Сол пікірінде "Arena S" (Sulpak сауда маркасы) компаниясының өкілдері ағаштар кесілген аумақ компания меншігіне жатпайтынын мәлімдеген еді.

Кейінірек ағаштардың кесілуіне байланысты қала әкімдігі өкілдері пікір білдіріп, 13 түп ағашты заңсыз кескендер жазаланғанын айтқан болатын.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Алматы Экология