1. Басты
  2. Біл
  3. Жаңалықтар
  4. Ел жаңалықтары

Сұлтанов тұтынушылардың құқы қалай қорғалатынын айтты22 қыркүйек 2020, 11:16

Фото: Tengrinews.kz/Тұрар Қазанғапов Фото: Tengrinews.kz/Тұрар Қазанғапов

Сауда және интеграция министрі Бақыт Сұлтанов барлық өңірдегі өкілдермен Тұтынушылардың ұлттық қауымдастығын құруды және мемлекеттік органдар мен әкімдіктер тұтынушыларының бағалау көрсеткішін енгізуді ұсынды, - деп хабарлайды Tengrinews.kz тілшісі.

"Біз Қазақстандағы тұтынушылардың құқықтарын қорғау жүйесін түбегейлі жаңа деңгейге көтеретін бірқатар жаңа инициативаны қарауды ұсынамыз. Барлық өңірдегі өкілдермен Тұтынушылардың ұлттық қауымдастығын құру мүмкіндігін қарастыру", - деді ол Үкімет отырысында.

Сондай-ақ, Бақыт Сұлтанов үкіметтік емес ұйымдардың негізінде омбудсмен институтын құруды ұсынды.

"Нормативтік-құқықтық актілерді әзірлеу кезінде тұтынушылардың мүдделеріне талдау жүргізу және уәкілетті органмен келісу сынды міндетті талапты енгізу. Мемлекеттік және жергілікті атқарушы органдардың, сондай-ақ, квазимемлекеттік ұйымдардың қызметтерін бағалау көрсеткіштеріне, ағылшынша атағанда KPI, тұтынушылар тарапынан қанағаттану мен олардың жұмыстарына сенім деңгейін енгізу керек", - деді министр.

Ведомство басшысы қысқа мерзімде нормативтік-құқықтық актілерге тиіс өзгерістер енгізуге дайын екенін атап өтті.

Қазақстан жаңалықтары. Соңғы жаңалықтар. Telegram желісінде бізге жазыл!