Тағы үш қазақстандық Йеменнен эвакуацияланды

13 Сәуір 2015, 15:26
0
© РИА Новости
© РИА Новости

Тағы бір қазақстандық екі баласымен Йеменнен эвакуацияланды, - деп хабарлайды Tengrinews.kz тілшісі ҚР СІМ баспасөз қызметіне сілтеме жасап.

"12 сәуірде Йеменнен Ресей ТЖМ арнайы бортымен 150 адам шығарылған болатын. Солардың ішінде ҚР азаматтары 1981 жылы туылған Қазақстан азаматшасы Оксана Золотун және оның екі баласы болды", - делінген хабарламада.

Мәскеуде азаматшамызды балаларымен Қазақстанның Ресейдегі Елшілігінің қызметкерлері қарсы алды. Оларға уақытша баспана беріліп, консулдық-құқықтық көмек көрсетілді.

Еске сала кетейік, 4 сәуірде Йеменнен Қазақстанның бес азаматы эвакуацияланды - Дастан Оспанов жұбайымен және балаларымен, сондай-ақ Эльмира Ақжанова жаңа туылған сәбиімен. Сол күні елшілікке Санада тағы бір қазақстандық Гүлмира Саханова бар деген ақпарат келіп түсті. Онымен телефон арқылы сөйлесіп, шұғыл қызмет эвакуациялауға әзірленді.


Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай