Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Теміржолшылар төрт күндік жұмыс күніне өтеді

13 Тамыз 2015, 15:22
0
© Тұрар Қазанғапов
© Тұрар Қазанғапов

Қазақстанда теміржол саласының жұмысшылары толық емес жұмыс аптасына ауысады, - деп хабарлайды  Tengrinews.kz тілшісі ҚР Теміржолшылар кәсіподағының төрағасы Оразғали Ахметбаевқа сілтеме жасап.

Ахметбаев мұндай шараға жұмыс орындарын қысқартпау мақсатында өту жоспарланғанын түсіндірді. 

"Осыған байланысты біздің салада бүгінде қиын жағдай туды, жүк айналымы азайды, тасымалданатын жүк азайды, әрине, өз шығынымызды қайта қарау қажет болды, оның ішінде жұмысшыларымыздың қажеттілігін де қарадық. Жұмыс орындарының қысқаруын болдырмау үшін кәсіподақ пен компания басшылығы бірнеше рет біріккен жиналыс өткізді және кеше ғана келісімге келдік. Енді 1 қыркүйектен бастап толық емес жұмыс аптасын енгізуді шештік, мақсатымыз жұмыс орындарын қысқартпау. Бұл режимді осы жылдың соңына дейін жалғасады деп болжап отырмыз", - деді Ахметбеков.

Сонымен қатар, ол толық емес жұмыс аптасы режимінің ауысыммен жұмыс істейтіндерге қатысы жоқ болатынын айтты. 

"Толық емес жұмыс аптасы дегеніміз бұл - егер бізде бес күндік жұмыс аптасы режимінде жұмыс болса, енді бұл жұмысшылардың категориясына төрт күндікті енгіземіз деген сөз. Тұрақсыз кесте демалыс күнінің міндетті түрде жұмада болатынын көрсетпейді, ол апта ортасында да болуы мүмкін, себебі теміржол - үздіксіз процесс. Жұмыс технологиясына байланысты болады - біреу дүйсенбіде, ал біреу сәрсенбі немесе басқа күндерде демалады. Бұл режим ауысыммен жұмыс істейтіндерге қатысты емес. Ол бірінші кезекте топ-менеджерлерге қатысты болады. Олардың жұмыс күні қысқарады деген болжамымыз бар", - деді теміржолшылар кәсіподағының төрағасы.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай