+7 (777) 001 44 99
Қазақша
Русский
English
Қазақстан Президенті қызметінен босатқан Индустрия және инфрақұрылымдық даму министрлігі Автомобиль жолдары комитетінің бұрынғы төрағасын басқа жұмысқа "тағайындау" жаңсақтықтан болғаны айтылды, - деп хабарлайды Tengrinews.kz тілшісі.
"Автомобиль жолдары комитетінің бұрынғы төрағасын тағайындау туралы жаңалыққа қатысты айтсақ, жаңсақтық болды. Кешірім өтінеміз. Сайранбек Бармақов "ҚазАвтоЖол" ҰК АҚ Алматы филиалының директоры қызметіне тағайындалған жоқ. Бұл орын бос", - деді ИИДМ баспасөз қызметіндегілер тілшімізге.
Еске салайық, Сайранбек Бармақов Президент Қасым-Жомарт Тоқаевтың сынынан кейін Автомобиль жолдары комитетінің төрағасы қызметінен айырылды. Бармақов "бақылауды әлсіреткені үшін" қызметінен босатылды. Оны Мемлекет басшысының баспасөз хатшысы Берік Уәли 20 сәуірде хабарлады.
"Нәтиже жоқ деп айтуға болады" - Тоқаев жолдардың сапасы туралы
Ал 23 сәуірде қазақстандық БАҚ өкілдері Сайранбек Бармақов "ҚазАвтоЖол" ҰК" АҚ Алматы филиалының директоры қызметіне тағайындалғанын хабарлаған болатын. Басылымдар Индустрия және инфрақұрылымдық даму министрлігінің Telegram-арнасындағы ресми хабарламаға сілтеме жасаған.
Айта кетейік, Сайранбек Бармақов Индустрия және инфрақұрылымдық даму министрлігі Автомобиль жолдары комитетінің төрағасы қызметін 2019 жылдың ақпанынан бастап атқарды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
