Тоқаев пен Путин қатысатын форум онлайн көрсетіледі 30 қыркүйек 2021, 10:33
Қазақстан мен Ресей президенті қатысатын форум тікелей эфирде көрсетіледі, - деп хабарлайды Tengrinews.kz тілшісі.
"Бүгін Мемлекет басшысы Қасым-Жомарт Тоқаев пен Ресей президенті Владимир Путиннің қатысуымен екі елдің XVII Өңіраралық ынтымақтастық форумы онлайн форматта өтеді.
Форум Нұр-Сұлтан қаласы уақытымен сағат 13:00-де "Хабар 24" телеарнасынан тікелей эфирде көрсетіледі", - деп жазды Мемлекет басшысының баспасөз хатшысы Берік Уәли.
Бұған дейін Қазақстан мен Ресей президенттері онлайн-форматта Көкшетауда өтетін екі елдің XVII Өңіраралық ынтымақтастық форумына қатысатыны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!