+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Президент Қасым-Жомарт Тоқаев Сыбайлас жемқорлыққа қарсы қызметтің жаңа басшысына бірқатар тапсырма берді, - деп хабарлайды Tengrinews.kz тілшісі.
Президент Қасым-Жомарт Тоқаев Сыбайлас жемқорлыққа қарсы қызметтің жаңа басшысына бірқатар тапсырма берді, - деп хабарлайды Tengrinews.kz тілшісі.
"Агенттік алдында бірқатар маңызды міндет тұр. Біріншіден, сыбайлас жемқорлыққа қарсы барлық деңгейдегі тиімді күрес бойынша кешенді жұмыс жүргізу қажет. Мұндай шаралар қылмыстық қудалаумен шектелмеуге тиіс. Бұл тәсіл теріс әсер етеді.
Мемлекеттік аппарат шешім қабылдаудан қашады, ал шенеуніктер жеке жауапкершілікті қабылдаудан қорқады. Агенттік жұмыс барысында жіберілген қателіктер мен қасақана жасалған қылмыстарды ажырата білуі керек. Сонымен қатар, қылмыс құрамы толық көрініс тапқан жағдайда ғана кінәліні жауапқа тарту қажет", - деді Тоқаев сыбайлас жемқорлыққа қарсы іс-қимыл кеңесінде.
Екіншіден, Президент қоғамның белсенді қатысуы және алдын алу шаралары сыбайлас жемқорлыққа қарсы күрестің негізгі құралы болуы керек екенін айтты.
"Қазіргі уақытта тапсырмам бойынша "Қоғамдық бақылау туралы" заң дайындалып жатыр. Бұл құжат мемлекеттік органдардың жұртшылық алдындағы ашықтығы мен есептілігін қамтамасыз етуге бағытталған. Сондай-ақ, белсенді азаматтарға құқықтық бақылау құралдарын ұсынады. Осы Заң жобасының әлеуетін барынша пайдалану және жұртшылықты сыбайлас жемқорлыққа қарсы күреске тарту қажет", - деп қосты ел Президенті.
Үшіншіден, Мемлекет басшысының айтуынша, Қылмыстық жолмен алынған мүлікті іздеуге және тәркілеуге ерекше назар аудару керек. Бұл "follow the money" принципі деп аталады.
Қасым-Жомарт Тоқаев қылмыстық жолмен табылған мүлікті тәркілеудің бұлтартпастығы сыбайлас жемқорлық сипатындағы кез келген әрекеттің алдын алуға ықпал етуі тиіс деп есептейді. Мемлекет басшысының айтуынша, бұл жұмысты Агенттік Қаржы мониторингі органдарымен бірлесіп ұйымдастыруы қажет.
Қазақстан Президенті тапсырма бойынша қылмыстық сот ісін жүргізудің үш буынды моделі енгізілетінін айтты.
"Мұндай модель айыптаудан жалтаруды және қылмыстық процеске заңсыз араласуды болдырмауға мүмкіндік береді. Агенттікке өз қызметін қылмыстық процестің үш буынды моделіне сәйкестендіруді тапсырамын.
Тұтастай алғанда, үздік әлемдік тәжірибені ескере отырып, сыбайлас жемқорлыққа қарсы бастамаларды іске асыруды жалғастыру қажет. Қоғам, бизнес және инвесторлар сыбайлас жемқорлыққа қарсы сенімді тірек бар екенін сезінуі керек. Жаңа басшы агенттіктің тиімділігін одан әрі арттырады деп үміттенемін", - деп түйіндеді Тоқаев.
Сондай-ақ, Қасым-Жомарт Тоқаев Сыбайлас жемқорлыққа қарсы қызмет төрағасының ауысуына қатысты пікір білдірген еді.
Айта кетейік, Алик Шпекбаев сыбайлас жемқорлыққа қарсы қызметтің басшысы қызметінен босатылып, орнына Бас прокурордың бұрынғы орынбасары Марат Ахметжанов тағайындалды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
