+7 (777) 001 44 99
ПОДЕЛИТЬСЯ
Ақорданың баспасөз қызметі Президент Қасым-Жомарт Тоқаевтың мамырдың бірінші аптасына арналған жоспарын жариялады, - деп хабарлайды Tengrinews.kz тілшісі.
Ақорданың баспасөз қызметі Президент Қасым-Жомарт Тоқаевтың мамырдың бірінші аптасына арналған жоспарын жариялады, - деп хабарлайды Tengrinews.kz тілшісі.
2 мамырда Мемлекет басшысы Францияда Сыртқы сауда, экономикалық тартымдылық және шетелдегі француз азаматтарының істері жөніндегі министрдің делегаты, Қазақстан-Франция үкіметаралық комиссиясының тең төрағасы Оливье Бештті қабылдайды.
Кездесу барысында Қасым-Жомарт Тоқаевтың өткен жылдың қарашасында Францияға ресми сапары барысында қол жеткізілген уағдаластықтарды жүзеге асыру барысы талқыланады деп жоспарланып отыр.
3 мамырда Мемлекет басшысы ФИФА президенті Джанни Инфантиноны қабылдайды.
3-4 мамырда Қасым-Жомарт Тоқаевтың шақыруымен Тәжікстан президенті Эмомали Рахмон Астанаға мемлекеттік сапармен келеді.
Мемлекет басшылары тар және кеңейтілген құрамдағы келіссөздер аясында Қазақстан-Тәжікстан стратегиялық әріптестігін одан әрі нығайту перспективаларын қарастырады.
5 мамырда Мемлекет басшысы - Жоғарғы Бас Қолбасшы Қасым-Жомарт Тоқаевтың қатысуымен Бүкілармиялық конференция өтеді, оның барысында әскери даму мен әскери дайындық, сондай-ақ Қазақстан армиясын технологиялық жаңғырту мәселелері талқыланады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
