+7 (777) 001 44 99
ПОДЕЛИТЬСЯ
Шымкенттік зообақ директоры Нұрғазы Бұхарбаев баспасөз конференциясын ұйымдастырып, бұрынғы сыра королі Тоқтар Төлешовтің екі жылқысы неден өлгенін айтып берді, - деп хабарлайды "Отырар".
Шымкенттік зообақ директоры Нұрғазы Бұхарбаев баспасөз конференциясын ұйымдастырып, бұрынғы сыра королі Тоқтар Төлешовтің екі жылқысы неден өлгенін айтып берді, - деп хабарлайды "Отырар".
Нұрғазы Бұхарбаев зообақ төңірегіндегі алып-қашпа әңгімелерге нүкте қойғысы келді. "Тіршілік бар жерде өлім бар" деген басшы түймедей нәрсені түйедей етіп, жұртты шулату дұрыс емес деп ойын түйіндеді. Анықталмаған ақпарат таратқан бұқаралық ақпарат құралдарының өкілдеріне өкпесін айтты. Олар Тоқтар Төлешовтен тәркіленген екі жылқыға қатысты қате мәлімет таратты дейді.
"Қазіргі таңда Тоқтар Төлешовтың 22 жаста, құны 687 мың теңгеге бағаланған Разброт тұлпары мен 18 жасар Берт лақап атты жылқысының өліміне қатысты тергеу жұмыстары жүріп жатыр. Тексерудің қорытындысы әлеуметтік желілердегі алып-қашпа әңгімелердің бекер екенін дәлелдейтініне сенімдімін", - деді Нұрғазы Бұхарбаев.
Шымкент зообағын 2021 жылға дейін үлкен өзгерістер күтіп тұр. Қазіргі уақытта зообақта 241 түрлі 2565 бас жануар бар. Енді төрт жылдан кейін бұл көрсеткіш еселенеді деген жоспар түзілген. Сондай-ақ, жаңа павилионның саны 55-ке жеткізу жоспарланған.
"Соңғы жылдары жануарларға жасалған жағдайларға байланысты олардың өлімі де кеміді. Салыстырмалы түрде айтар болсақ, 2014 жылы 68 бас жануар мерт болған. Ал биылғы он айда жануарлардың саны бар болғаны 25-ке кеміген. Бұл үлкен көрсеткіш", - дейді зообақ директоры Нұрғазы Бұхарбаев. Сонымен бірге зообаққа келушілердің саны да артыпты.
