+7 (777) 001 44 99
Қазақша
Русский
English
05 шілде 2022 | 16:07
Түркияда астық тиелген кеме ұсталған жоқ - БАҚ
Түркияда астық тиелген "Жібек жолы" кемесі ұсталған жоқ. Бұл туралы Запорожье облысының Әскери-азаматтық әкімшілігінің басшысы Евгений Балицкий мәлімдеді, - деп хабарлайды Tengrinews.kz тілшісі РИА Новости порталына сілтеме жасап.
ПОДЕЛИТЬСЯ
Түркияда астық тиелген "Жібек жолы" кемесі ұсталған жоқ. Бұл туралы Запорожье облысының Әскери-азаматтық әкімшілігінің басшысы Евгений Балицкий мәлімдеді, - деп хабарлайды Tengrinews.kz тілшісі РИА Новости порталына сілтеме жасап.
"Кеме қозғалысына тыйым салынған жоқ, бізде, біздің астық компаниясында, осы құрғақ жүк таситын кемеге қатысты бұйрық жоқ. Біздің компания тек транзиттеуші болды, бұл жағдайда таллин және түрік компаниялары арасында келісім жасалды. Заң тұрғысынан алғанда бұл кемеде жағымсыз нәрсе болуы екіталай", - деді Балицкий "Россия 24" арнасының эфирінде.
Еске салайық, бұған дейін астық сату мәмілесі эстониялық Mangelbert OU компаниясы мен түрік тарапы арасында жүргізілгені хабарланған болатын. Еуропада тіркелген компания мәміленің заңды екенін мәлімдеп отыр. Жағдайды түсіндіру және халықаралық құқықбұзушылықтарды болдырмау мақсатында ҚТЖ кемені жалға алушыға барлық растаушы құжатты (келісімшарттар, куәліктер және т.б.) қоса бере отырып, мән-жайды жедел түрде егжей-тегжейлі түсіндіруді сұрап хат жолдады. ҚТЖ халықаралық құқық нормаларын сақтауға міндетті екенін хабарлаған болатын.
Reuters мәліметінше, Украина Түркияға "Жібек жолы" жүк кемесін ұстау және оның қозғалысына тыйым салу туралы өтініш білдірген. Ол Ресей басып алған Бердянск портынан Украина астығын тасымалдағаны хабарланды.
Индустрия және инфрақұрылымдық даму министрі Қайырбек Өскенбаев қажет болған жағдайда Қазақстан "Жібек жолы" кемесін жалға алған ресейлік компаниямен келісімшартты бұза алатынын мәлімдеді. Ол кемеге қатысты жағдайдың Қазақстанға салдары болмайтынын айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
