1. Басты
  2. Біл
  3. Ел жаңалықтары

Түркістан облысы әкімінің орынбасары тағайындалды

Мейіржан Мырзалиев. © ontustik.gov.kz Мейіржан Мырзалиев. © ontustik.gov.kz

Түркістан облысы әкімінің орынбасары қызметіне Мейіржан Мырзалиев тағайындалды, - деп хабарлайды Tengrinews.kz тілшісі.

Мейіржан Мырзалиев 1980 жылы 4 қыркүйекте дүниеге келген. 2002 жылы Қазақ мемлекеттік заң университетін, 2006 жылы - М. Ломоносов атындағы Мәскеу мемлекеттік университетін, 2011 жылы - ҚР Президенті жанындағы Мемлекеттік басқару академиясының мемлекеттік саясат ұлттық мектебін, 2016 жылы - АҚШ-тағы Дьюк университетінде білім алған. 

Еңбек өтілі:

Алматы қаласының әкімдігі: құрылыс басқармасының бас маманы (2003-2005); заң және әкімшілік бөлімінің басшысы (2005-2007).

ҚР премьер-министрінің Кеңсесі: индустриялық-инновациялық даму бөлімінің бас сарапшысы (2008-2009); бизнес-орта және инновациялар секторының меңгерушісі (2009-2011); мемлекеттік реттеу секторының меңгерушісі (2011-2013).

Дүниежүзілік банктің халықаралық қаржы корпорациясы (IFC) (Вашингтон, АҚШ, 2015): ауыл шаруашылығында бизнесті дамыту бойынша тәжірибе.

ҚР премьер-министрінің Кеңсесі: ҚР премьер-министрінің бірінші орынбасарының кеңесшісі (2016), ҚР премьер-министрінің кеңесшісі (2017).

2017 жылы қаңтардан бастап Қостанай облысы әкімінің орынбасары қызметін атқарды.

Қазақ, орыс және ағылшын тілдерін еркін сөйлейді. 

Үйленген, екі ұл және екі қыз тәрбиелеп отыр.