+7 (777) 001 44 99
Қазақша
Русский
English
Қазақша
Русский
English
Ұлттық қауіпсіздік комитеті Павлодар облысы полиция департаментінің бұрынғы басшысы Нұрлан Мәсімовтің ұсталуының мән-жайын айтты, - деп хабарлайды Tengrinews.kz тілшісі.
Ресей Федерациясының арнайы қызметінің көмегімен Қазақстан-Ресей шекарасының шығыс учаскесінде өткізу пункттерінен тыс жерден заңсыз өту әрекеті кезінде ҚР және РФ азаматтарынан тұратын бір топ адам ұсталғаны хабарланды.
"Олардың арасында бастапқыда өзі туралы жалған деректер берген іздеудегі Павлодар облысы бойынша полиция департаментінің экс-бастығы Нұрлан Мәсімов анықталды.
Келісімдер аясында Ресей тарапы 13 шілдеде Н.Мәсімовті ҰҚК Шекара қызметі қызметкерлеріне берді. Қажетті тексерулер мен сұрақ алу іс-шараларынан кейін құзыреті бойынша іздестірудің бастамашысы болған Сыбайлас жемқорлыққа қарсы қызметке берілді", - делінген хабарламада.
Еске салайық, 2022 жылдың қаңтарында Нұрлан Мәсімов Павлодар облысы Полиция департаментінің бастығы қызметінен босатылған еді. Ол бұл департаментті 2019 жылдың қарашасынан бері басқарған.
Сәуірде Нұрлан Мәсімовке іздеу жарияланғаны хабарланған. Ал маусымда Сыбайлас жемқорлыққа қарсы қызмет оның жүрген жері туралы ақпарат бергендерге сыйақы жариялаған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
