+7 (777) 001 44 99
ПОДЕЛИТЬСЯ
Террорлық акт дайындау және террорлық әрекетке қатысы бар деген күдікпен іздестірілген ер адам Ыстамбұлдан Атырауға жеткізілді, - деп хабарлайды Tengrinews.kz тілшісі ҰҚК баспасөз қызметіне сілтеме жасап.
Террорлық акт дайындау және террорлық әрекетке қатысы бар деген күдікпен іздестірілген ер адам Ыстамбұлдан Атырауға жеткізілді, - деп хабарлайды Tengrinews.kz тілшісі ҰҚК баспасөз қызметіне сілтеме жасап.
Ведомство мәліметінше, қазіргі уақытта оған қатысты тергеу амалдары жүргізіліп жатыр.
"2018 жылдың 16 қазанында Ұлттық қауіпсіздік комитеті және Бас прокуратура қызметкерлері 2011 жылдан бастап террорлық акт дайындау және террорлық әрекетке қатыстылығы бойынша күдікті ретінде іздестірілген Қазақстан азаматы Елдос Куншугаров Ыстамбұлдан Атырауға жеткізілді. Куншугаровтың құрықталуы мен экстрадициясы ҰҚК, Бас прокуратура және Сыртқы істер министрлігімен өзара бірлескен жұмыс, сондай-ақ түркиялық серіктестер және Интерпол бюросымен тығыз әрекеттесу нәтижесінде мүмкін болды", - деп хабарлады ҰҚК баспасөз қызметіндегілер.
Комитеттегілердің мәліметінше, ол 2008 жылы Ауғанстан-Пәкістан аумағына шығып, сол жерде Атырау қаласында 2011 жылғы қазанда болған екі жарылысқа жауапты "Джунд аль-Халифат" террористік тобын құруға қатысқан. Ал 2013 жылы Сирияға заңсыз өтіп, "Джабхат ан-Нусра" террористік ұйымының қатарына кірді.
Оның 2015 жылдан бастап Түркияда жасырынып жүргені айтылады.
