11 ақпанда Мемлекет басшысының төрағалығымен Үкіметтің кеңейтілген отырысы өтеді, - деп хабарлайды Tengrinews.kz тілшісі Ақорданың ресми сайтына сілтеме жасап.
"Отырыс барысында отандық экономиканың қазіргі ахуалы мен оны әрі қарай дамыту шаралары талқыланады деп жоспарланып отыр. Сондай-ақ "Нұрлы жол" жаңа экономикалық саясатын жүзеге асырудың негізгі тетіктері қаралады", - делінген хабарламада.
Айта кетейік, өткен аптада ҚР Ұлттық банкі төрағасының орынбасары Олег Смоляков жуырда Үкіметтің кеңейтілген отырысы жоспарланып отырғанын, онда экономика саясатының бағыт-бағдары мен басымдықтары талқыланатынын хабарлаған болатын.
