+7 (777) 001 44 99
ПОДЕЛИТЬСЯ
Украинадағы ұрыстарға Қазақстан азаматтары қатысып жатқан жоқ, - деп хабарлайды Tengrinews.kz тілшісі. Бұл туралы ҚР Сыртқы істер министрі Ерлан Ыдырысов твиттер-чат барысында мәлімдеді.
Украинадағы ұрыстарға Қазақстан азаматтары қатысып жатқан жоқ, - деп хабарлайды Tengrinews.kz тілшісі. Бұл туралы ҚР Сыртқы істер министрі Ерлан Ыдырысов твиттер-чат барысында мәлімдеді.
Желі қолданушылары Сыртқы істер министрлігінің "Украинада соғысып жатқандар арасында қазақстандықтардың бар-жоғын тексереміз" деген уәдесін елдің бас дипломатының есіне салды. Оған Ыдырысов: "Тексерудің нәтижесінде бұл ақпарат расталмады", - деп жауап берді.
Бұған дейін Сыртқы істер министрінің орынбасары Ержан Ашықбаев Украинада қазақстандықтардың соғысып жатқаны туралы ақпаратқа күмән келтірген болатын. Мұндай қауесеттің тууына Украинаның ақпарат құралдары себеп болған еді.
Сондай-ақ, бұған дейін Украинаның оңтүстік-шығысындағы тұрғындарға гуманитарлық жүк жинаушы қазақстандықтардың даудың ортасында қалғаны хабарланған болатын. Оларға көтерілісшілерге көмек көрсетті деген айып тағылды. Украиналықтар үшін киім-кешек, азық-түлік, дәрі-дәрмек Қарағанды, Шымкент, Ақтөбе қалаларында жинастырылған еді.
Еске салайық, Украинада 30 маусым күні 10 күн бұрын жарияланған ымыраласу мерзімі аяқталды. Бұл уақыт ішінде президент Петр Порошенконың бастамасы ақталмады - оқ ату тыйылмады, тараптар бір-бірін келісімді бұзғаны үшін айыптап жатыр.
