22 қаңтар 2016 00:26

Валюта айырбастау орындары долларды 393 теңгеден сатып жатыр

ПОДЕЛИТЬСЯ

Еліміздегі валюта айырбастау орындары долларды 393 теңгеден сатып жатыр, - деп хабарлайды Tengrinews.kz тілшісі.


Еліміздегі валюта айырбастау орындары долларды 393 теңгеден сатып жатыр, - деп хабарлайды Tengrinews.kz тілшісі.

21 қаңтар күнгі кешкі уақытта Алматы мен Астананың айырбас пункттері долларды 392-393 теңгеге сатып жатты.

Ал сол күні күндіз ҚР Ұлттық банкінің төрағасы Данияр Ақышев доллар бағамы жақын арада айтарлықтай өзгермейтінін айтқан еді. 

"Қазақстанның төлем балансы бойынша теріс сценарийлердің көп бөлігі іске асырылды. Мұнай бағасы 2 жыл ішінде 110 доллардан 28 долларға дейін құлдырады. Яғни, біз мұнайдың әрбір баррелінен 82 доллар жоғалтып отырмыз, бұл экспорттың 2 есе құлдырауына және одан түсетін валюталық түсімнің үш есе қысқартылуына әкеп соқтырды. Мұнай бағасы бір баррель үшін 30 АҚШ долларынан 20 АҚШ долларына дейін төмендеген кезде біздің шығынымыз бір баррельден небәрі 10 АҚШ долларын ғана құрайды, бұл валюта нарығындағы теңгерімге әсер ететіндей валюта түсімінің түбегейлі қысқаруына әкеп соқпайды", - деді Ақышев.

Сонымен қатар, ол Қазақстан шетел валютасымен жасалатын операцияларға шектеу қоймайтынын айтты. "Біз шетел валютасымен жасалатын операцияларға шектеу қоюды қарастырмаймыз. Бұл ешқандай заңда негізделмеген", - деді ҚР Ұлттық банкінің төрағасы.

Айта кетейік, KASE қор биржасындағы күндізгі сессиясында доллар бағамы 384,48 теңгеге тең болған еді.

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 451.08   483   4.85 

 

Ауа райы

 

Редакция Жарнама
Социальные сети